رساله من بنت الى ولد

انت يا اخ ممكن ثانيه ...لأ لو سمحت يعنى ركز معايا شويه البلاى ستيشن مش هيطير والماتش هيتعاد بكرة ,ايواااااااااااااه..كدا احسن ,مشكلتك ايه بقى ..مفروض ان اللى بيته من قزاز ما يحدفش الناس بالطوب وقال ياجاريه اطبخى كلف ياسيدى ومن حفر حفرة لاخيه وقع فيها ,بلاش وش البلاهه ده وفوق معايا كده .جبتلى ارتكاريا ,بتشنع عليا انى مجنونه ما اهو انت السبب !!!!!!!!
لو لقيتنى جد تقول مسترجله
ولو خدتها ببساطه ابقى سهله واى كلام ,
لو كلمتك عن الطبيخ ابقى معجونه بميه التفاهه,
لبست محترم تخاف منى ,
قلعت المحترم تبقى عينك يدب فيها رصاصه ,
لو فى كليه صعبه ابقى دحاحه وشبه الغفير,
ولو فى كليه سهله ابقى فاضيه وبتاعت ضوافرى,



والمصيبه انى ممكن اضحك عليك بشيكولاتايه زى اى عيل صغير ودى مش غلطتى انا دا انت برضه السبب ومش عن طيبه ولا حاجه
بس دايما متوقع منى اللى فوق طاقه البشر وعايش فى اوهام الافلام العربى والاجنبى والكليبات.....





انا تقريبا خلصت كلامى وعشان نوصل لفصل الختام ونكون جبنا ضرف الموضوع دا وخلصنا ,واحنا ماشيين بنظام شيلنى واشيلك ,



انا مفيش بينى وبينك عداوة بس بلغه ستات البيوت ,,,,,الغسيل كان لازم يتنشر كدا عشان ينشف ويطبق على نضافه.........

فهمت حاجه؟!!!!!!!